sru:version: 1.2; sru:query: fcs.rf="mecmua.1_51"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_51"; sru:baseUrl: ; fcs:returnedRecords: 1; fcs:duration: PT0.023S PT0.03S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_51</phrase></query>)];

17 Qanı ser‑ḥadde tīmār u ziʿāmet
Alupdur eks̱erin erbāb‑i devlet

18 Sitānbulda çoġı ṣaqlı vü kemdür
Ṣorulsa her biri dėr ādemümdür

19 Eger evvelki gibi olsa yėrli
Olurdı dāʾimā atı egerli

20 Olınca ḥāl‑i düşmenden ḫaber‑dār
Ėderlerdi ʿadūya ṭoġrı ılġar

21 Otuz olan zaʿīmüñ üçi yoqdur
Bu noqṣān şimdi her sancaqda çoqdur

22 Qılıcuñ kimi erbāb‑i qalemde
Kimi çavuşlarda böyle demde

23 Qoçılarla gider maḥṣūli dāyim
Sefer ālāmını çekmek ne lāzım

24 Elinde çoġınuñ yüz biñ ziʿāmet
Birin alur birin ėyler ferāġet

25 İki üç yüz biñ eyler belki yėtmez
Ṣorılur dėyü zīrā ḫavf ėtmez

26 Qanıser‑ḥadlerüñ merd‑i yararı
Qovuldı eks̱eri yoġ oldı varı

27 Birisi gelmedi gitdi yėrine
Vėrilmez çün yarar u esterine

28 Vėrilseydi yarara müft dirlik
Yoluñda ölmege eylerdi birlik

29 Ṣatar maḥlūlı heb begler begiler
Qanı bu ḥaq kelāmı saña söyler

30 Şu kim mālin vėrüb ala ziʿāmet
Alub maḥṣūlini eyler ticāret

31 Şehā ḫalqı eger olsaydı yoqlar
Bulınurdı birinde niçe tīmār

32 Çoġınuñ adı var gendüsi yoqdur
Bu gūne qullaruñ ġāyetde çoqdur

33 Alub maḥlūli eylerler berātı
Velī ne ademi var ne bir atı

34 Yėrinde yoqladur mīr‑i alaya
Ya varupminneteyler ümerāya

35 Dilīrüm dėyü dilsizler çoġaldı
Düşen maḥlūli eks̱er anlar aldı

36 Şehā maḥlūlı maʿzūlalmamışdur
Alan daḫı yėrine gelmemişdür

37 Riʿāyet gitdi qānūn‑i qadīme
Vėrilmez çün menāṣıb müstaqīme